Официальный запуск проекта “Энергоснабжение сельского джамоата Ромит”

13 уми июли соли 2019 дар ҷамоати деҳоти Ромити шаҳри Ваҳдат маросми оғози лоиҳаи “Барқтаъминкунии ҷамоати деҳоти Ромит” баргузор шуд.

Дар маросми мазкур вазири энергетика вазахираҳои оби Ҷумҳурии Тоҷикистон, сафири Ҷумҳурии Корея дар Ҷумҳрии Тоҷикистон, директори дафтари минтақавии Оҷонсии кореягӣ доир ба ҳамкории байналмилалӣ, раиси мақомоти иҷрояии маҳалии ҳокимияти давлатии шаҳри Ваҳдат ширкат доштанд.

Лоиҳаи мазкур барои иҷрои супоришу дастури Асосгузори сулҳу ваҳдати миллӣ, пешвои миллат – Президенти Ҷумҳурии Тоҷикистон,Ҷаноби Олӣ, муҳтарам Эмомалӣ Раҳмон, ки зимни сафари корӣ дар шаҳри Ваҳдат 4 июни соли 2016 баён карда шуд, равона карда шудааст.

Лоиҳа дар доираи ҳамкориии дӯстона байни Ҳукумати Ҷумҳурии Тоҷикистон ва Ҳукумати Кореяи Ҷанубӣ тавассути Оҷонсии кореягӣ доир баҳамкории байналмилалӣ (KOICA) маблағгузорӣ шуда, мутобиқ ба протоколи гуфтушунид байни Вазорати энергетика ва захираҳои оби Ҷумҳурии Тоҷикистон ва Оҷонсии кореягӣ доир ба ҳамкории байналмилалӣ аз 14 феврали соли 2018, ки дардоираи он барқтаъминкунии деҳаҳои Гузкеф, Пичеф, Коху, Девдара, Новаки поён ва боло, Пушандон, Вистан, Даштимазор, ҷамоати деҳоти Ромит ба нақша гирифта шудааст.

Лоиҳа сохтмони як зеристгоҳбо шиддати 110/20/10 кВ (бо насби як трансформатор бо тавоноии 10 Мегаволт-ампер), сохтмони тахминан 500 м хати интиқоли барқ 40 кВ, 47 км хати интиқоли барқи 20кВ, сохтмони хати интиқоли 0,4 кВ дар ҳама деҳаҳо, насби 9 трансформатор 20/0,4кВ ва системаи ҳисоби неруибарқро дар бар мегирад.

Бо ҳадафи амалисозии лоиҳа Ҳукумати Кореяи Ҷанубӣ тавассути Оҷонсии кореягӣдоир ба ҳамкории байналмилалӣ (KOICA) 6.000 000 млн доллари ИМА ҳамчун грант ҷудо кард. Хидматрасониҳои мушовирӣ дар доираи лоиҳа ба уҳдаи яке аз бонуфузтарин ширкатҳои Корея – Корпоратсияи энергетикии Корея (KEPCO) вогузор шудааст.